مهرجان “ليالي القدس” ينعش التقاليد الفلسطينية في المدينة العتيقة

مراسم حفل زفاف فلسطيني تعمها أجواء بهجة مرت في شوارع القدس إيذانا ببدء مهرجان (ليالي القدس) الذي يسعى إلى إنعاش الحياة في المدينة العتيقة.

 

وهذا المهرجان هو أول مهرجان ثقافي تنظمه شبكة فنون القدس (شفق) في المدينة. وتشارك في شبكة شفق خمسة من أبرز مراكز الفنون بالمدينة المقدسة هي مؤسسة المعمل للفن المعاصر ومعهد إدوارد سعيد الوطني للموسيقى وحوش الفن الفلسطيني والمسرح الوطني الفلسطيني ومركز يبوس الثقافي.

 

وقال داوود الغول مدير شبكة فنون القدس (شفق) “ليالي القدس هو برنامج مشترك للمؤسسات الشريكة بشبكة شفق، وبرنامج مشترك فني متنوع بيشمل مجموعة كبيرة ومتنوعة من العروض الفنية. ما يقارب 50 نشاطا مختلفا ومتنوعا من الفنون بأسبوع واحد لإحياء القدس وإنعاشها اقتصادياً وثقافياً”.

 

وفي حوش الفن الفلسطيني تُعرض في معرض باسم (مكتوب -بطاقات بريدية من أجل القدس) أعمال عدد من الفنانين الفلسطينيين بينهم الفنان التشيكيلي عاهد ازحيمان.

 

وقال ازحيمان وهو من القدس “المشاركة بحوش الفن الفلسطيني بالقدس، في هذا المعرض من الأشياء اللي بتشجع بداية إنه الفنانين المشاركين هم من كل المناطق الفلسطينية ابتداء من غزة، القدس، الضفة الغربية وطبعاّ فلسطينية الداخل 48. فكرة العمل اللي أنا باشتغل عليه هو اسمه جبال القدس، جبال القدس اللي هو بالنسبة لي عادة إحنا بنشوف جبال القدس بألوانها وبالنهار. أنا عم باشتغل بالوقت الأخير شي بين جبال القدس وبين جبال البحر الميت بالليل”.

 

ومع حلول المساء يحتشد زوار في مؤسسة المعمل للفن المعاصر لحضور عرض لفرقة (توت أرض) مع منظر رائع لكنيسة قديمة في القدس العتيقة في الخلفية.

 

وقالت منسقة المشاريع في مؤسسة المعمل ألين خوري “سياسة صهيونية اللي عم بتجرب تهجج الشباب (تدفعهم للفرار) وكل المجتمع يطلعوا وهيك. عم نشوف إحنا القدس فراغ كبير. فنشاطات ليالي القدس هي جزء من هدفنا إنه ننعش القدس، نرجع نرجّع الرجل للناس يطلعوا بالليل، بالذات بالليل اللي يحيوا البلد”.

 

وقالت امرأة من القدس تزور المهرجان وتدعى آلاء القاق “مثلاً المحلات تسكر ع الستة ونص هدا شي جداً جداً مُزعج. وتشوفي القدس فاضية بشوارعها، ما في ناس، انه هدا شي كتير بيبسط الاحتلال. فوجود هيك إحياءات لهيك معارض وهيك أُمسيات هدا شيء مُشجع جداً وبيثبت وجود المقدسي في القدس وبيثبت انه فيه حياة بالقدس. فإنه فرصة كمان للناس، إحنا كمقدسيين كمان، نكتشف القدس. لأنه فعلياً يعني قلة وجود هاي المعارض وهاي الأمسيات كمان ما بيسمح لنا انه نطلع ونروح ونستكشف إيش فيه بالقدس”.

 

ويستمر مهرجان ليالي القدس حتى الجمعة 20 أكتوبر/تشرين الأول.

المصدر : ميدل ايست اون لاين

Hide picture